Die SCHUTTE-Webblad |
||
Die Schutte's van Suid-Afrika |
||
|
Die eerste SCHUTTE-stamvader in Suid-Afrika |
Deur sy huwelik op 13 Mei 1725 met Hester van der Heijde, weduwee van Isaac Scheepers, het hy vier plase gekry wat sy geërf het van haar pa Jacob en haar eerste man. Die plase was, "Laaste Gift", en ‘n gedeelte van "Vergelegen", albei geleë in die Hottentots-Holland, sowel as "Welgemoed", naby die Eersterivier asook "Ganzekraal", wes van Riviersonderend. Andreas Schütte het die Kompanjie se diens verlaat in 1726 en ‘n vryburger geword. Hy was aangestel as Heemraad vir Stellenbosch vir ‘n twee jaar termyn beginnende op 10 Desember 1726. Gedurende 1727 kom sy broerskind, Christiaan Ernst Schütte as soldaat in die Kaap aan. Hy word ‘n Vryburger in 1734 en woon as boukneg op "Rustenburg", een van sy oom se plase.
Gedurende April 1752 het hy sy gedeelte van "Vergelegen" verkoop aan Arnoldus Maasdorp; ‘n maand later het hy "Laaste Gift" aan Daniël Malan gegee en in Maart 1759 sy ander plaas, Welgemoed, aan Jan de Villiers. "Ganzekraal" is op 11 Augustus 1759 (Transportakte nr. 2913) aan Pieter Moleman verkoop. Op 16 Februarie 1759 het hy ‘n erf gekoop in Stellenbosch waar hy en sy vrou toe gebly het.
Hy is oorlede op 2 April 1765 te Stellenbosch en beide hy en sy vrou is uit die kerk te Stellenbosch begrawe. Hy het waarskynlik een seun gehad, maar dit lyk of daar nie sprake van 'n verdere nageslag is nie.